ût ezelsköpke

Bedankt

De schmink is wer van de snoet, de klier stoan wer veilig op zolder kortom Carnaval 2019 zit dur wer op! Vur os as Ezelsköke waas het un geweldig joar met moje activiteiten woa we hebbe kenne zeen det carnaval lift in Zerum. Speciaal woord van dank giet oet noa de Horizon en Athos die de Mini boorebroeluft hebben georganiseerd. Verder willen we alle carnavalsvierders en mingse die os op welke manier dan ok geholpen hebben ok bedanken. Tot volgend joar!!

Jeugdprinsentreffen 2019

Aafgeloepe vriedig zien we met de raod noar ut jaorlijkse jeugdprinsentreffen gewes. Dit jaor waas ut de beurt aan Reuver um dit te organiseren. Wat waas ut unne moje oavend en wat heet de jeugd genaoten. Hiel de regio heet kennis kunnen maken met os fantastisch kwartet en ozze raod. Ut waas geweldig!

Zondig zien erst noa de Carnavalsmis gewes. Daornao hebben we gegeaten beej Peter en Karin van Enckevort en wat waas ut lekker. Hiel erg bedankt heej veur. We hebben de daag aaf kunne sloete door Prins Joep II en zien adjudanten Guus en Luus un hendje te geave op hun receptie. Al met al unne super daag en weekend wer gehad.

Weej nuudigen ow naotuurlijk allemoal oet veur os receptie aankoamende zondig 24 februari vanaaf 15.11 oor.

Weej hebben ok nog andere leuke dingen in ut verschiet:

Zaoterdig 2 maart Beste DJ Horst aan de Maas.

Dinsdig 5 maart kiendermiddig en mini boorebroeloft.